Ngomnati kawtal ledi Najeeriya sauraama nastina jangirle maude de jonde ko’e maaje nder jangirde botoreeje bee wallinde ceede de ngomnati hokkata her hukuma wallitoowa faal yeso jangirle maude hokkata Jangirde ngomnati nder jiiba ka andira TeTfund be nasaraare.

Hooreejo jangirde mauwne nde Fountain University ha Osun, Modibbo AbduLateef Usman wii ndenii jangirle jonde ko’e maaje tiggama na ngam riiba ngam ustuki tigoraago dow jangirle ngomnati, latti waajibu dow ngomnati sembidina terde maaje heba de doggina golle maaje ban no bernde yidi

Modibbo Usman mani  ministaajo andal mo lesdi Najeeriya bee jabrude de o hoosi ngam sembidinki  yebre den

Hikka to jam, jangirde nde  Fountain taski hokkan holanteedo  jangirde nden,Yussuf Ali  hatummere teddinoore modibbooku dow ko larani andal ardungal.

Neddo didaabo botirta be hatummeere teddinoore nden fahin, latti ballo Seketereejo Mawdo nder majalisaaru harkaaji diina Islama nder lesdi Najeeriya, Alhaji Zakariya’u Babalola

Nder bolide maako, hooreejo jangirde nde Fountain University wii be subti himbe ben on dalila wallinde nde be hokki her fa’al yeso jangirle nder lesdi Najeriya.

Mohammed s Nazeef/Gurin

NO COMMENTS

LEAVE A REPLY