Ministaajo laamorde lesdi Naajeeriya Muhammadu Musa Bello noddi lice Gollooᵷe ngomnati hoosa adi hakkilanki areeji ngomnati.

Muhammadu Bello waᶑi noddandu on yaake lamarji tambinol hukuuma polis en lisal laamorde lesdi Naajeeriya Abuja mootaaji 30 ᶑi mo’inaa.

Mootaaji ᶑi mo’inaa man, hawti e mootawa deppinol fitinaaji wiccoowa ndiyam ngulᶑam, mootawa konu, Mootawa manga rondoowa areeji e mootaaji omtaaᶑi rondooji himᵷe Hilux 21 Baanteeᶑi mawᵷe Jeepji, e Nonde Mootaaji Corolla panmari 5.

Mallam Bello andini dow ceede ᵷuray miliyonji 9 on tan majjina her mo’itinki mootaaji ᶑin fuu maaji, ceede ᶑe ᵷuray sooduki mootawa ngoota tan nder lesdi Naajeeriya naaneno.

Ministaajo on manuᶑo komishinaajo polis en kakkilanᶑo laamorde lesdi Abuja, tindiniri mo dow neᶑᶑo on lolluᶑo nden marᶑo basiira mo handi mawᵷe lesdi fuu anda jonde mum.

Ministaajo on tindiniri jabruᶑe ᶑen, njaadi bee taskatamji bayli ᶑi ngomnati lesdi Naajeeriya les ardungal Ardiiᶑo Buhari ardini.

Muhamadu Bello andini dow ᵷe dawridi bee komishinaajo on dow gannuᶑi soynde baanteeᶑi keyᶑi ᶑum hukuuma polis en lesdi Naajeeriya habdata haa o hollimo dow ngomnati laamorde lesdi fotay sooduki mootaaji kesi hokka polis en jotta, amma o hokkimo miliyonji 9 ngam o wallitira her moinki kiᶑᶑi ᶑi darnaa.

Ministaajo on andini nde nasaraaku heᵷaama her wuttudu ba’anteeᶑi jooni bo ᵷe hooran hakkilo her mo’itinki ofisji Polis en gonᶑi nder laamorde nden fuu.

Nde o taaridanno bee Ministaajo on e Seketereejo Ngomnati Laamorde lesdi Dr. Babatope Ajakaiye ngam ᵷe laarana gite maᵷᵷe mootaaji ᶑi mo’inaa man, Komishinaajo Polis en Laamorde Lesdi Naajeeriya Muhammad Mustafa Usi barkiᶑini bee wallinde miliyonji 9 nde o hokkaa ceede ᶑe komishinaajo on andini barkiᶑi ngam ᶑe walliti sanne.

Komishinaajo polis en ᵷen noddi kuᵷᵷirle jooᶑiᶑe jonde hoore maaje e marᵷe njawdi fuu wallita bee seᶑᶑa nder ko Allah marniᵷe ngam lesdi fuu botora.

Mawᶑo Polis en laamorde lesdi andini ministaajo on dow Ciimaaru lesdi Chaina wondu Naajeeriya fuu walliti Hukuuma kan bee Mootawa tappule Honda nden kampaniwa ngonga boo hokki wallinde Nayraaji Miliyonre.

Gurin     

NO COMMENTS

LEAVE A REPLY